WALAY KITA


walay kita

walay kita

(freepik.com)

Walay Kita

 

PALANGGA TA KA KAAYO, MINGAWON KO PIRMI NIMO,
APAN KINAHANGLANG UNDANGAN, WA MAN GIHAPOY KAPAINGNAN, SAMOT LANG TANG MASAKITAN.

DILI KA MAMAHIMONG AKOA, OG AKO DILI MAIMOHA,
SA KASAMTANGANG PANAHON, DILI NA TA PARA SA ISIG KAINGON.

SAKIT KAAYO PAMALANDUNGON, APAN MAO NI ANG KAMATUORAN KARON,
GIHIGUGMA TA KA SA WALAY PAGDUHA-DUHA, APAN….. WALAY KITA…..

GUSTOHON KO MAN, IG-AMPO KO MAN, DI NA JUD MATUMAN,
GAGINHAWA MAN KO, APAN KULANG ANG TANAN, WALA KA SA AKONG KILIRAN.

OG ITUGOT MAN SA GINOO, SYA RA ANG NAHIBALO,
NGA UNTA MAPABATI NATO ANG GUGMA SA USAG USA NGA NAAY KAGAWASAN OG WALAY MASAKITAN.

PILDI TA, MASKIG UNSAON PA, WALAY PADULNGAN…
ISIPON NA LANG NATO NGA USA KA MATAM-IS NGA DAMGO ANG TANAN…….

(INDAY MAYANG – DAVAO)

Bisaya:

Tagalog:

English:

Gugma, Gugma nga Inatik ra


Mga batan-on ta karon,
ka dali ra kaayong matikalbong
Sa giingon nilang gugma
nga sa kanila naglimbong
Pagbati kunuhay tinud-anay
ug nga sila mag-inunungay
sa kasakit ug kalipay
Apan wala sila magdahum
nga sa ilang ka dali-dalion
Mahitumpawak hinuon sila
sa gugma nga kanila nagpalaom
Naglabi ang paghambog nga gibati nila
Sila kunuhay nakapag na
sa “Hantod sa Kahangturan” nga gugma
Nagtoo na gayod sila
nga sa katapusan sila ang magkauban
Ug sila magkadayon
hantod sa ilang pagkatiguwang
Apan ang ilang paghandom
usa ka lumalabay lamang
Kay mo abot ang higayon
nga bation na sila ug kalaay
Ang gugma nga ilang gibati
minugna ra sa usa ka Atik
Gipatoo nga sila lamang
sa kasing-kasing nahipatik
Apan usa ra diay ka bakak
nga sa dughan maoy mo samad
Ug maoy magtukmod kanila
aron sa kadautan mahidangat.
Kitang tanan niining kalibutan usa ka ulipon
Sa mga pagbati nga maoy
magpatuyok sa atong kaugalingon
Ang pagbaton ug saktong pangisip
maoy angay natong buhaton
Aron malikayan nga mabulasot sa Gugma, gugmang Inatik na karon.

Please visit: Mga Balak ni Bitoy
(https://www.facebook.com/bitoyzky2018)

Bisaya:

Tagalog:

English:

Hagawhaw


hagawhaw bisaya poem

hagawhaw bisaya poem

Anaa nasab sila
Ang mga hagawhaw
Nga kalit lang moduaw
Mo naog sa tabay nga lawom
Walay kurat sa masigpit na dalan
Ug kaunon ang imong kinatibok-an

Anaa nasab sila
Ang mga hagawhaw
Nga kalit lang moduaw
Pakyason ang imong pondasyon
Ug itambog ka sa langob
Aron ikaw lumoson

Anaa nasab sila
Ang mga hagawhaw
Nga kalit lang moduaw
Nagdala ug kadena
Gapuson ang hunahuna
Sa walay pagduha-duha pawngon ang planka

Anaa nasab sila
Ang mga hagawhaw
Nga kalit lang moduaw…

By: Jane // fb profile

Bisaya:

Tagalog:

English:

Damgo


bisdakwords no image

Sa pag Salop sa adlaw,
Imong maanyag nga dagway ang akong gituaw.
Imong matam is nga ngisi nga nagpahiyom,
Mipukaw sa akong pagbati kanimo sa hilom.

Tiuyon ang akong gugma kanimo,
Pero kining tanan wala mo man mahiamgo.
Ug kung gali ako kanimo nagadamgo,
Ayaw na pukawa palihug bahala’g maabtan ug Marso!

Bisaya:

Tagalog:

English:

Nag Inusara


nag inusara balak

nag inusara balak

Gigutom ba or giuhaw imu kasingkasing? Or di ba kaha murag gikumotkumot ug ge pitlok sa hugot nga murag lisod e gnhawa ? Or di ba kaha murag gabaha ang dugo niini kay tungod ge duslak sa mga storyang paasa ug bakak? Ge buwagan? Ge Friendzone? Sakit gyud pero mas labawng sakit ang kutob ras pagpangandoy ug gugma pero wa juy nipunit nimu maskin usa… Nga makapangutana nlang kag kalit nga unsay naa nko nganung ang gugma mulayo man gyud kanako?

Pero ang pinakahadlokan ug ang makapakugang sa tanan kanang nakauyab na tuod ka, labing dri labing didto, gakos ari gakos adto.. Kung effort lang hisgutan pang avengers imung laban,pero usa ka adlaw ana pag mata nimu, muingun ra cya puol na, kapoi na, i need space, buwag nata. Ouch,lecheng yawa, end of the world naba?

Ang kahayag sa imung kasingkasing kalit lang ni blackout! Ug sa pag maoy nimu, c beer, c tanduay cla imung kasangga.. Pero imung kasing2 wa masalba. Samot lang kag kaluya!
Pamahaw hilak, paniudto hilak, panihapon hilak. Sakit nga way usa ka doctor ang mkatambal. Pero sultian tika mawala man cya, gepasakitan man ka, gesalikway man ka, usa rjud imung hinumduman, naay Usa nga gepakamatyan ka, ug higugmaon ka karun ug sa hangtod hangtod paman.! Salig lang ,sa imu Cya ga atang ra..

A poem by Vince Russel Durens

Bisaya:

Tagalog:

English: